So I'm sitting there bored to death and suddenly I remember that there's an episode on my computer of "esma3ny shokran" that was never recorded and thus will never be aired. So I decided to put it here because I love you guys and honestly I need some feedback about the episode because -personally- I DON'T like it. So here you go and give me some feedback please. Feedback like: clear purpose or not? funny or not? stuff like that.
BTW: I wrote it right in 1/1/2010
.................................................................................................................................
من المثير للاهتمام ان فى احتفالات رأس السنة الميلادية لقينا ناس جايبين عرافين علشان يتنبؤا لهم باللى هيحصل لهم فى السنة الجديدة. أنا بصراحة افتكرتها نكتة و طنشت لكن الكارثة اللى حصلت انى لقيت بعض الناس المتعلمين المثقفين اللى قاعدين بيتفرجوا متابعين الموضوع بجد و كأن الكلام ده ممكن يبقى فعلا "دليل حياتك فى 2010 : ما لا تعرفه من عقبات و أفراح" قمت أنا واخد رد فعل ايجابى جدا بأن انا دخلت اكتب الكلام ده من حرقة الدم.
طبعا يا جماعة انتم عارفين ان الكلام مش بفلوس و أن أى حد يقدر يقول اى كلام و خلاص. طيب أنا ايه دليلى ان حوار التنجيم ده كلام فاضى؟ سؤال كويس. دليلى ان أنا حاتنبئلكم باللى هيحصل لكل برج السنة الجاية:
برج الجدى: خللى بالك لان (زيوس) كان متراهن مع (عطارد) انه هيعرف يتصاحب على (عفاف) من غير ما مدام (هيرا) تعرف و فعلا كسب الرهان و بالتالى (عطارد) مش طايق نفسه و عفاريت الدنيا بتتنطط قدام عينه و لو انت لسة شاب صغير ماتجوزش هتلاقيه واقفلك عند باب أى شغلانة مقدم عليها علشان تفشل فى المقابلة و لو كنت متجوز و بتشتغل فوقفة مراتك على الباب و هى بتستعد لافتراسك كافية جدا . النصيحة: ارمى همومك فى البحر و اهرب من البوليس و لو مسكوك و سألوك انت قتلتها ليه؟ قول انها كانت بتتبع حركة "ارحمنا".
برج الدلو: تنتظرك مشاكل كثيرة مع السوائل المتنوعة و ثقب كبير ينغص عليك حياتك نتيجة لوجود ثقوب سوداء كثيرة فى الفضاء متاّمرة عليك. كما أنك معرض لتلوث الاسنان بشدة و لكن احترس من الماء و أنت تغسلها كما قلنا. النصيحة: اشترى دلو جديد ماركة "البدر و الشموسة".
برج الحوت: أنت مشاكس و تسبب المشاكل لمن يتبع برج الدلو و ان كنت لا تريد ذلك لكنك مجبر بسبب التحالف الجديد بين (بلوتو) و (بوسيدون). احترس لأن الانفلونزا الوبائية القادمة ستكون بأسمك. النصيحة: ابتعد عن الشبك و الشوايات ولا ترتدى بنطلونات جينز حتى ينتهى التحالف فى عام 5 ب.ح.م.ع.ك.ا (بعد حصول مصر على كأس العالم).
برج الحمل: أنت وديع (مش بتاع الأعلانات أنا قصدى الصفة) كما أنك مرهف الحس و رقيق المشاعر و مفعم بالأمل و العطاء و ممتلىء بالحب الذى يفيض على من حوله والخلاصة انك هتقدى سنة الناس اللى حواليك مخنوقين منك ده غير ان مراتك حتبقى شايفاك خايب و عبيط. النصيحة: اسمع أغانى Death Metal كتير و ان كنت مانصحش حتى اعدائى بكدة. ملاحظة جانبية: زيوس ساب (عفاف) بعد ما حملت فى (سفاح الاغريق).
برج الثور: العين الزايغة دى مالهاش لزمة و البقرة اللى راضية بيك دى مفيش أحسن منها و اهى صاينالك بيتك و عجولك. لكن عامة العين الزايغة دى ليها تبرير و هى انك بتتبع نفس برج (زيوس) أعظم womanizer عرفته البشرية. الاخبار الحلوة انك تنتظرك مكافئة فى المزرعة قبل عيد الاضحى على طول. النصيحة: اوعى تخرج من بيتك يوم الفالانتين و خد أجازة مرضية فى عيد الاضحى.
برج الجوزاء: فى حالتين:
- الاولى ان انت شخص منفرد و مستقل و متوحد و فردى و تكره العمل الجماعى و تكره أن يكون هناك اكثر من شخص واحد فى مجال ابصارك ولو كان عليك كنت لغيت كل الارقام اللى أعلى من 1 و الخلاصة ان علم الرياضيات اتقدم بسبب ان امثالك مبيتدخلوش فيه و غير كدة كان زماننا مش عارفين نعد سكان مصر.
- الحالة التانية هى انك تكون عكس الاولى تماما.
- النصيحة: روح معسكر كشافة فى الحالة الاولى و بطّل تروح معسكرات كشافة فى الحالة التانية.
ملاحظة جانبية: (هيرا) ألقت لعنة اغريقية قديمة اسمها (الضريبة العبقرية) على (سفاح الاغريق) حولته لموظف حكومى و بالتالى بقى اسمه الجديد (معدوم الدخل) أما (زيوس) فرجع لمشيه البطّال تانى.
برج السرطان: أنت بتتفق بشدة مع أى حد من برج الحوت بسبب البيئة الواحدة اللى بتجمعكم. نظرا للاتفاق الحادث بين المريخ و المشترى فأنت فى الغالب حتاخد علاوة كبيرة فى الشغل لكن خللى بالك برضه لأن بلوتو ممكن يتدخل فى أى لحظة و يطينها على دماغك. عامة ممكن تحاول تتفادى بلوتو من خلال حساب المثلثات و الجبر و الهندسة. النصيحة: البسطرمة مع القهوة هى خير صديق فى وقت الضيق.
برج الأسد: أنت شخص شجاع و مغوار و عندك القدرة انك تنط فوق كل بلاعات الدنيا علشان توصل لصندوق الزبالة بتاع عمارتك اللى لسبب مجهول محطوط فى شارع تانى. مدام (هيرا) بتشاركك فى البرج بتاعك و ده من ضمن أسباب غيرتك الشديدة على ناس ما تستحقش زى (زيوس) و مدام (هيرا) لو كانت عاقلة شوية كانت شافتلها واحد أحسن شوية و يا بخت اللى يتجوز (هيرا)؛ مال و جمال و أخلاق و كمان عندها قوى خارقة للطبيعة لدرجة انها ممكن تعرف تلاقيلك شغل فى مصر كمان. شوف العز! النصيحة: (زيوس) سابك علشان (عفاف) و دى مش أول مرة يعملها أرجوك فكرى كويس.
برج العذراء: ستنفتح افاق جديدة فى حياتك و لكن بسبب رغبتك فى الحرية فستسعى للانغلاق العاطفى الذى قد يصيبك بانفتاح فى المشاعر التى ستؤدى الى الاهتمام بتاريخ الحيوانات الأليفة و كل ما سبق ربما يتسبب فى حدوث اسهال شديد و ارتفاع فى درجة حرارة الغرفة. النصيحة: احرص على غسل شعرك قبل الأكل و بعده.
برج الميزان: بسبب عمل (أورانوس) كمطيباتى للمشاكل العائلية عند (زيوس) فأنت صداع دائم لبياعين الفاكهة و الخضار هذا بخلاف العداوة المستحكمة بينك و بين أى مجرم وقف فى المحكمة ليحاكم لذلك أنا أرجوك أن تجتهد فى عملك قليلا لعلنا نستطيع الحصول على 1 كيلو خيار عندما نريد شراء 1 كيلو خيار بدلا من أن نحصل على أى وزن يشرط أن يكون أقل من 1 كيلو. النصيحة: العدل أساس الملك يا ناس.
برج العقرب: أنت تابع سلالة المحاربين من أبناء زيوس علشان كدة تتميز بأنك شرس زى دبان الطريق الصحراوى، سريع زى السوبر جيت، عنيد زى الضرائب و لو ان دى مبالغة شوية، وقح زى أى عيل صايع و الخلاصة انك كنز لأى مصلح اجتماعى و سنتك حتبقى مليئة بالمفاجات المفجعة ليك و للحواليك. النصيحة: انا سمعت ان الموساد طالبين ناس لقسم التعذيب، هناك أنا متأكد انك حتلاقى نفسك.
برج القوس: عقبات كثيرة تنتظرك فى العمل من زملائك و مديرك. سيتهموك بالرشوة و الاختلاس و ستضطر للهرب من العدالة لفترة طويلة أنت و من تحبها أو سوف تحبها حتى تكتشف سر ما يحدث لك. فى النهاية ستكتشف أن زميلك و المدير هم اخوانك التوائم و أن من تحبها هى بنت أم مراتك و ستنتحر و سيجد جثتك أحد تجار الأغذية النزيهين و هو يبحث فى البلاعة. النصيحة: راجع شجرة العائلة.
شفتم بقى أد ايه الموضوع سهل و أن أى كلام أهبل أى حد يكتبه ممكن يتاخد على انه تنبؤات. أنا قايل الكلام ده و أنا عارف انه هبل لكن مع ذلك خايف الاقى واحد بيقوللى ان هو ده اللى حصلله بالظبط فى السنة الجديدة!!! لو أى حاجة من اللى انا قلتها حصلت فعلا يا ريت يئوللى علشان اتنبأ لنفسى بعربية جديدة و بفيلا و طيارة و شغلانة لعل و عسى تنبؤاتى تطلع صح فى دول كمان
BTW: I wrote it right in 1/1/2010
.................................................................................................................................
من المثير للاهتمام ان فى احتفالات رأس السنة الميلادية لقينا ناس جايبين عرافين علشان يتنبؤا لهم باللى هيحصل لهم فى السنة الجديدة. أنا بصراحة افتكرتها نكتة و طنشت لكن الكارثة اللى حصلت انى لقيت بعض الناس المتعلمين المثقفين اللى قاعدين بيتفرجوا متابعين الموضوع بجد و كأن الكلام ده ممكن يبقى فعلا "دليل حياتك فى 2010 : ما لا تعرفه من عقبات و أفراح" قمت أنا واخد رد فعل ايجابى جدا بأن انا دخلت اكتب الكلام ده من حرقة الدم.
طبعا يا جماعة انتم عارفين ان الكلام مش بفلوس و أن أى حد يقدر يقول اى كلام و خلاص. طيب أنا ايه دليلى ان حوار التنجيم ده كلام فاضى؟ سؤال كويس. دليلى ان أنا حاتنبئلكم باللى هيحصل لكل برج السنة الجاية:
برج الجدى: خللى بالك لان (زيوس) كان متراهن مع (عطارد) انه هيعرف يتصاحب على (عفاف) من غير ما مدام (هيرا) تعرف و فعلا كسب الرهان و بالتالى (عطارد) مش طايق نفسه و عفاريت الدنيا بتتنطط قدام عينه و لو انت لسة شاب صغير ماتجوزش هتلاقيه واقفلك عند باب أى شغلانة مقدم عليها علشان تفشل فى المقابلة و لو كنت متجوز و بتشتغل فوقفة مراتك على الباب و هى بتستعد لافتراسك كافية جدا . النصيحة: ارمى همومك فى البحر و اهرب من البوليس و لو مسكوك و سألوك انت قتلتها ليه؟ قول انها كانت بتتبع حركة "ارحمنا".
برج الدلو: تنتظرك مشاكل كثيرة مع السوائل المتنوعة و ثقب كبير ينغص عليك حياتك نتيجة لوجود ثقوب سوداء كثيرة فى الفضاء متاّمرة عليك. كما أنك معرض لتلوث الاسنان بشدة و لكن احترس من الماء و أنت تغسلها كما قلنا. النصيحة: اشترى دلو جديد ماركة "البدر و الشموسة".
برج الحوت: أنت مشاكس و تسبب المشاكل لمن يتبع برج الدلو و ان كنت لا تريد ذلك لكنك مجبر بسبب التحالف الجديد بين (بلوتو) و (بوسيدون). احترس لأن الانفلونزا الوبائية القادمة ستكون بأسمك. النصيحة: ابتعد عن الشبك و الشوايات ولا ترتدى بنطلونات جينز حتى ينتهى التحالف فى عام 5 ب.ح.م.ع.ك.ا (بعد حصول مصر على كأس العالم).
برج الحمل: أنت وديع (مش بتاع الأعلانات أنا قصدى الصفة) كما أنك مرهف الحس و رقيق المشاعر و مفعم بالأمل و العطاء و ممتلىء بالحب الذى يفيض على من حوله والخلاصة انك هتقدى سنة الناس اللى حواليك مخنوقين منك ده غير ان مراتك حتبقى شايفاك خايب و عبيط. النصيحة: اسمع أغانى Death Metal كتير و ان كنت مانصحش حتى اعدائى بكدة. ملاحظة جانبية: زيوس ساب (عفاف) بعد ما حملت فى (سفاح الاغريق).
برج الثور: العين الزايغة دى مالهاش لزمة و البقرة اللى راضية بيك دى مفيش أحسن منها و اهى صاينالك بيتك و عجولك. لكن عامة العين الزايغة دى ليها تبرير و هى انك بتتبع نفس برج (زيوس) أعظم womanizer عرفته البشرية. الاخبار الحلوة انك تنتظرك مكافئة فى المزرعة قبل عيد الاضحى على طول. النصيحة: اوعى تخرج من بيتك يوم الفالانتين و خد أجازة مرضية فى عيد الاضحى.
برج الجوزاء: فى حالتين:
- الاولى ان انت شخص منفرد و مستقل و متوحد و فردى و تكره العمل الجماعى و تكره أن يكون هناك اكثر من شخص واحد فى مجال ابصارك ولو كان عليك كنت لغيت كل الارقام اللى أعلى من 1 و الخلاصة ان علم الرياضيات اتقدم بسبب ان امثالك مبيتدخلوش فيه و غير كدة كان زماننا مش عارفين نعد سكان مصر.
- الحالة التانية هى انك تكون عكس الاولى تماما.
- النصيحة: روح معسكر كشافة فى الحالة الاولى و بطّل تروح معسكرات كشافة فى الحالة التانية.
ملاحظة جانبية: (هيرا) ألقت لعنة اغريقية قديمة اسمها (الضريبة العبقرية) على (سفاح الاغريق) حولته لموظف حكومى و بالتالى بقى اسمه الجديد (معدوم الدخل) أما (زيوس) فرجع لمشيه البطّال تانى.
برج السرطان: أنت بتتفق بشدة مع أى حد من برج الحوت بسبب البيئة الواحدة اللى بتجمعكم. نظرا للاتفاق الحادث بين المريخ و المشترى فأنت فى الغالب حتاخد علاوة كبيرة فى الشغل لكن خللى بالك برضه لأن بلوتو ممكن يتدخل فى أى لحظة و يطينها على دماغك. عامة ممكن تحاول تتفادى بلوتو من خلال حساب المثلثات و الجبر و الهندسة. النصيحة: البسطرمة مع القهوة هى خير صديق فى وقت الضيق.
برج الأسد: أنت شخص شجاع و مغوار و عندك القدرة انك تنط فوق كل بلاعات الدنيا علشان توصل لصندوق الزبالة بتاع عمارتك اللى لسبب مجهول محطوط فى شارع تانى. مدام (هيرا) بتشاركك فى البرج بتاعك و ده من ضمن أسباب غيرتك الشديدة على ناس ما تستحقش زى (زيوس) و مدام (هيرا) لو كانت عاقلة شوية كانت شافتلها واحد أحسن شوية و يا بخت اللى يتجوز (هيرا)؛ مال و جمال و أخلاق و كمان عندها قوى خارقة للطبيعة لدرجة انها ممكن تعرف تلاقيلك شغل فى مصر كمان. شوف العز! النصيحة: (زيوس) سابك علشان (عفاف) و دى مش أول مرة يعملها أرجوك فكرى كويس.
برج العذراء: ستنفتح افاق جديدة فى حياتك و لكن بسبب رغبتك فى الحرية فستسعى للانغلاق العاطفى الذى قد يصيبك بانفتاح فى المشاعر التى ستؤدى الى الاهتمام بتاريخ الحيوانات الأليفة و كل ما سبق ربما يتسبب فى حدوث اسهال شديد و ارتفاع فى درجة حرارة الغرفة. النصيحة: احرص على غسل شعرك قبل الأكل و بعده.
برج الميزان: بسبب عمل (أورانوس) كمطيباتى للمشاكل العائلية عند (زيوس) فأنت صداع دائم لبياعين الفاكهة و الخضار هذا بخلاف العداوة المستحكمة بينك و بين أى مجرم وقف فى المحكمة ليحاكم لذلك أنا أرجوك أن تجتهد فى عملك قليلا لعلنا نستطيع الحصول على 1 كيلو خيار عندما نريد شراء 1 كيلو خيار بدلا من أن نحصل على أى وزن يشرط أن يكون أقل من 1 كيلو. النصيحة: العدل أساس الملك يا ناس.
برج العقرب: أنت تابع سلالة المحاربين من أبناء زيوس علشان كدة تتميز بأنك شرس زى دبان الطريق الصحراوى، سريع زى السوبر جيت، عنيد زى الضرائب و لو ان دى مبالغة شوية، وقح زى أى عيل صايع و الخلاصة انك كنز لأى مصلح اجتماعى و سنتك حتبقى مليئة بالمفاجات المفجعة ليك و للحواليك. النصيحة: انا سمعت ان الموساد طالبين ناس لقسم التعذيب، هناك أنا متأكد انك حتلاقى نفسك.
برج القوس: عقبات كثيرة تنتظرك فى العمل من زملائك و مديرك. سيتهموك بالرشوة و الاختلاس و ستضطر للهرب من العدالة لفترة طويلة أنت و من تحبها أو سوف تحبها حتى تكتشف سر ما يحدث لك. فى النهاية ستكتشف أن زميلك و المدير هم اخوانك التوائم و أن من تحبها هى بنت أم مراتك و ستنتحر و سيجد جثتك أحد تجار الأغذية النزيهين و هو يبحث فى البلاعة. النصيحة: راجع شجرة العائلة.
شفتم بقى أد ايه الموضوع سهل و أن أى كلام أهبل أى حد يكتبه ممكن يتاخد على انه تنبؤات. أنا قايل الكلام ده و أنا عارف انه هبل لكن مع ذلك خايف الاقى واحد بيقوللى ان هو ده اللى حصلله بالظبط فى السنة الجديدة!!! لو أى حاجة من اللى انا قلتها حصلت فعلا يا ريت يئوللى علشان اتنبأ لنفسى بعربية جديدة و بفيلا و طيارة و شغلانة لعل و عسى تنبؤاتى تطلع صح فى دول كمان
ليست هناك تعليقات:
إرسال تعليق